nurbolat

Ырымға сенесіз бе?

Wed, 12 Dec 2007 03:50:01 GMT

Бұл заманда ырымға сенетіні де бар, сенбейтіні де бар. Бірақ өзім ырымға сенбейтін адамдар кемде-кем деп ойлаймын. Негізі, біз қазақ – ырымшыл халықпыз ғой. Ырым ертеден бері қалыптасып келе жатырғандықтан, онда бір адамға әсер ететін тылсым қасиет бары анық. Мен төменде ырымдар тізімін жаздым, әрине өзімнің шығарғаным емес, халықтың сөздері. Көз жүгіртіп қараңыз, мүмкін көмегі тиер.

Ерлі-зайыптыларға қатысты ырымдар.

Ерлі-зайыптылардың төсегіне үйге қонуға келген адамды жатқызуға болмайды. Жетіден асқан балаңызды да төсектен қуыңыз. Әйтпесе, махаббат сезімі сөніп қалуы мүмкін.

Жыныстық жақындасу кезінде айнаға қарауға болмайды. Бұл ауру мен ажырасуға әкеп соғады.

Өзіңіз ғашық болған адам туралы тіс жарып, ешкімге айтпаңыз. Махаббат құрығына түскен жанның жүрегі ашық келеді. Тіл-көз тиіп кетуі мүмкін.

Неке қиған түні төсек ләззатын алуға тырысу керек. Бұл алғашқы немесе кезекті болса да бәрібір. Төсек – неке қиюдың жалғасы іспеттес.

Ерлі-зайыптылардың төсегіне екі бөлек төсеніш салуға болмайды. Көрпеше ортақ, енді болуы шарт.

Ұйықтағанда аяғыңызды есік жаққа бермеңіз. Көз жұмған адам осылай жатады деп ырымдайды.

Егер жаман түс көрсеңіз, жұртқа жаюдан ұялмаңыз. Түсіңіз орындалмайды. Жақсы түсті ешкімге айтпаңыз, орындалады.

Жүкті әйелдерге қатысты ырымдар.

Жүкті әйелдің кіндік шеше аталмағаны, суретке түспегені абзал. Іштегі бала өлі тууы немесе туғаннан кейін шетінеуі мүмкін.

Жүкті әйелге бірдеңені майыстыруға немесе кесуіне болмайды.

Егер көшеде жүкті әйел кездессе, жолыңыз болады, ал үйіңе аяғы ауыр әйел қонуға келсе, өзімен бірге бақыт пен береке ала кіреді.

Іштегі баланың ұл немесе қыз екендігін білгісі келген жүкті әйелге алақанын көрсетуін өтіну керек. Ол алақанын жайып көрсетсе ұл туады. Қолының сыртын ғана көрсетсе қыз болады. Немесе, орамалды жайып қойып, жүкті әйелге көтерткенде орамалдың шетінен ұстаса қыз, ортасынан ұстаса ұл туады.

Дүниеге сәби әкелуге қатысты ырымдар.

Егер балаңыз дүйсенбі күні туылса, сұлу болады. Сейсенбі күні туылған баланың жүрегі жұмсақ болады. Сәрсенбілік бала өктем болады. Бейсенбіде туған бала мұхит асып кетеді. Жұмада туған баланың мінезі жайлы келеді. Сенбілік бала өмір бойы еңбек етеді. Жексенбілік баланың көңіл-күйі көтеріңкі болып, жүрген жерін думандатып, қыздырып жүреді, әрі сымбатты болады.

Таңсәріде туған бала ақылды келеді. Түстен кейін туған еріншек болады.

Егер туған кезде баланың басында шаш болса, бақытты болады.

Түннің дәл ортасында туылған бала өлген адамдардың рухымен тілдесіп тұратын қасиетке ие болады.

Тазалық пен денсаулыққа қатысты ырымдар.

Түнгі сағат он екіден кейін жуынуға болмайды.

Жексенбі күні суға түсуге, тырнақ алуға болмайды.

Айдың алғашқы жартысында шашыңызды қисаңыз, тез өсетін болады. Керісінше, баяу өссін десеңіз, айдың екінші жартысында қысқартыңыз.

Адамның қолы мен аяғында қылшық көп өссе, бақытты болады. Егер қыз баланың қолына майда қылшық өссе, бай адамға тұрмысқа шығады.

Қиған шашты отқа тастағанда, шаш жарқ етіп жанса, адамның өмір жасы ұзақ болады. Егер шаш отқа жанбай бықсыса, жаман ырым.

Тұрмысқа қатысты ырымдар.

Жексенбіде үйге жұмыртқа алып кіруге болмайды.

Үйді жинағанда босағаға қарай сыпырма, бақыт пен берекені қашырасың.

Қоқысты жұмысқа немесе басқа жаққа кетіп бара жатырып шығаруға болмайды. Шығарған соң міндетті түрде үйге кіру керек.

Кілтпен үстелдің үстін ұрғылауға болмайды, жұбайыңызбен ұрысасыз.

Ағайынды екеудің арасында жанжал болмас үшін, әрқайсысының киімінің астарына тас тігіп қою керек.

Егер түйреуіш тауып алсаң, біреу сені еске алып жатыр.

Шелек тұрған жерге тұрмаңыз, денеңізді жара қаптап кетуі мүмкін.

Ақшаға қатысты ырымдар.

Ақшаны ешқашан ас үйде немесе босағада тұрып санамаңыз.

Ақшаны тізеге қойып санауға болмайды.

Егер әмияныңдағы ақша шашылып жатырса, пайда түспейді. Ақшаны жинап рет-ретімен қою керек.

Үйіңізден байлық кетпесін десеңіз, айдың алғашқы жартысында терезенің алдына тиын қоюды ұмытпаңыз. Ал айдың екінші жартысында алып тастаңыз.

Егер сыпырғының ұшы жоғары қарап тұрса, үйде ақша көп болады.

Өзіңе қанша ақша жұмсасаң, сонша ақша қолыңа қайта тиетінін ұмытпа.

Грег Мартиннің еңбектерінен

Fri, 16 Nov 2007 04:17:50 GMT

Concept art 01

Cataclysm

st. Johns Bridge

Concept art 02

Maelstrom

Егер автордың басқа суреттерін көргіңіз келсе мында кіріңіз

Түстерді талқылау

Wed, 14 Nov 2007 02:34:16 GMT

Біздер орта есеппен түні бойы бес-жеті рет түс көреміз. Кейбір адамдарды бұл таңдандыруы мүмкін: Түсті өте сирек көремін деп ойлайтын адамдар болады. Бірақ барлығы күн сайын түс көреді, бұл тек олардың есінде қалу-қалмауымен байланысты. Жасөспірімдер ұйықтаған уақытының 50 пайызын түс көрумен өткізеді, ал жетіспеген балалар 70 пайызын. Егер бір күнді уайыммен, көп оқумен, жаңа қызықтармен өткізсек түні бойы жиірек түс көретін боламыз. Түстер адамға өмірінде болар өзгерістерге алдын ала дайын болуына да көмегін тигізеді.

ТҮСТІ ТАЛҚЫЛАУ

Түс - бұл біздің ішкі дүниемізден келетін хабар, сондықтан олар біз түсіне бермейтін тұңғиық ойларымыздан ақпарат әкеледі. Түстер оның иесімен тығыз байланыста, оған қандай қиыншылықтар бар екенін, неден аулақ болу керектігін, не жетіспейтінін, нені аңғармайтынын, не істеу керектігін көрсетеді. Түске қатысушы тұлғалар, мақұлық немесе жауыз т.б., олар шынайы өміріңіздегі белгілі бір орын немесе жаңалықты көрсетеді. Түсіңіздегі барлық тұлғалар бұл - сіз(тумаңды, бала-шағаңды, т.б. жақын адамдарды қоспағанда).
Мысалға, сіздің үйіңізге балаларыңды ұрлап кетіп, қорлағалы жүрген ұры кіріп кеткені туралы түсті қарастырайық. Сіз ұрыға қарсы шығасыз, соңы өлімге әкелер айқас басталып, сіз оянып кетесіз. Жоритын болсақ бұл түсте сіз екі ролде ойнап жүрсіз: бірі - ұры, ал екіншісі - өзіңіз. Ал енді ойланып көріңіз сіздің қандай жақтарыңыз бала-шағаңның көңілінен шықпай, оларға ауыртпалық әкеліп жүр. Мүмкін сіз оларға көңіл бөлмей жүрген шығарсыз, бәлкім көп жұмыстың кесірінен оларға не керек, не керек емес екенін аңғармайтын шығарсыз.
Түстерді өте қарапайым жори салудан сақ болыңыз. Бір мысал, Сіз түсіңде автомобильмен өте жоғары жылдамдықта келе жатырсыз делік. Кенет машинаны бағындыра алмай соқтығысып, қирап қаласыз. Бұл сіздің жақын арада өлетіңізді білдіре ме? Олай ойламаймын. Мүмкін сіз машина секілді өміріңізді бағындыра алмай қаларсыз? Сіз көп асығыстық жасап жүрген боларсыз, Сәл бәсеңдеуіңіз қажет болар? Бәлкім түсіңіз сізге егер көп талпынып, көп асығар болсаң бір жағдайға ұрынатыныңызды, ауыратыныңызды немесе сізге қымбат заттан не жаннан айырылатыныңызды айтып тұрған болар. Түсте өлім көбіне бір қалыптан екінші қалыпқа өтуді, немесе өміріңіздегі бір этаптың бітіп, жаңа бірінің басталуын білдіреді.
Түс барысында сезінген көңіл-күй қалпыңыз да көп нәрсені білдіреді. Түсіңізде жеңілдегеніңізді, қорыққаныңызды, сенім орнағанын, күштілігіңізді сезініп көрдіңіз бе? Тағы бір мысал алайық, Сізтүсіңізде адам өлтірудің куәсі болдыңыз. Бірақ сіз қорқудың орнына, керісінше қуанып, шаттандыңыз. Оянғанда сондағы қуанғаныңызға ыңғайсыздануыныз мүмкін. Түстің шешімі - өлім болып жатқан кездегі сіздің сезіміңіз. Сіздің өміріңіздің қандай жағы өзгертілуі керек(өлтірілуі керек)? Егер бұндай өзгерістер болса, сіздің қуаныуыңыз мүмкін бе? Бұл түс өміріңіздегі қандай өзгерістің болуын сілтеп тұр? Ойланып көріңіз.
Түс жору - бұл сіздің ішкі дүниеңізбен сөйлесу. Түсті талқылау қабілетін игере отырып, адам өз ішіндегі құдіретті, шексіз күшпен байланысты екенін сезінеді.

Менің ғашықтық өлеңдерім

Tue, 13 Nov 2007 02:54:37 GMT

АЛАУЫН АЛДЫМ АРУДАН Асыра сілтеп асқақтап сені не қылам Айтпаса да ажарың асса асылдан Алыса алмай алқымнан алған сезіммен Айнала бердім адамға сені арман қылған. Алақаныма алауын алдым арудан Аруым-сенсің, алауым-сенім, ақ арман Арудан сендей айналып басым жүремін Алқапта алып махаббат сынды ат алған. Айналып келіп ай алса орын аспаннан Ақ жүзің ашық түсіме анық айналған Айналаңнан қаламай алыс кеткенді Алысып жанмен, айығам азар ұйқымнан. Ал егер сенің тапсам тұрақ жаныңнан Алып-ұшып, жаным асар аспаннан Алдымнан шығып асылсаң, айым, мойныма Айналып басым, адасамын ақылдан. Алмастырмас ай менен күнге арман жан Ардақтап өтем алыстатпай қасымнан Алтын сөздер әлемде аз сені айтар Аяулым менің ғашық боп өтем мен саған. СЕНІ ІЗДЕЙДІ Көздерім, сені дейді, көргім келеді Еріндерім, сені дейді, сүйгім келеді Қолдарым аймаласам сені дейді Сені дейді, жүрегім, сені іздейді. Арманым, сен жаратқан, көкке өрлейді Сағыныш жүрек қарып, мұң күшейді Қызықтар көркем таппай жанарларым Сені дейді, жаным-ау, сені іздейді. Жұмыр бас сен жайында ой көздейді Уақыттың алтындығын ескермейді Білмесін, сүйетінін, білсін мейлі Әйтеуір, тынбай жүрек, сені іздейді. Тәнімменен жаным қоса жалғызсырап Сағыныш, қысса еңсе көтертпейді Саған тіккен сезімін ту ғып ұстап Аршыл жүрек өзгені сүйгізбейді. Сүйген ерін тағы сені сүйсем дейді Ғашық көңіл өзге мақсат көздемейді Сұм сағыныш осалдығын сезіндіріп Жетімсіреп бүкіл денем сені іздейді МЕН ЖАЗАМЫН Тағы бір өлең жаздым махаббатқа Жүрегім сезім толы қол қаламда Бас қатуда не жазамын деген оймен Ұқсайды шабыт келмей отырғанға. Жұлдызым, бәлкім, айым деп жазам ба? Бірақ олар жетпес саған ұқсатуға Гүлді де көре алмаймын сенен сұлу Жарқыраған күн де қараң сен тұрғанда. Көктемім, әлде, жазым деп айтсам ба? Бұл көктем құлпыра алмас сенен аса Алтыным... ол да саған жете қоймас Теңеп саған қоя алмаймын аққуды да. Мүмкін сені... жетер енді теңегенім Бәрібір сендей болмас ұқсатсам да Білерім, сенсің менің ғашық жаным Одан да жазам... бірақ, не жайында? Мен жазамын сені сүйген көңіл жайлы Жазып кетем жүректегі сыр жайында Қалай сені сүйемін, сағынамын Жазам тағы сен жайында, мен жайында. Сезімімді толық ашып бере алмайды "Мен сені сүйем" деуді мың айтсам да Бұл сөздің мағынасы арзанырақ Бұдан асқан сөзді бірақ табу қайда?! Ғашық басым қалған ба есалаң боп? Сезім мені жетелейді анда-мұнда Ғашық жүрек кеткен бе бағынбас боп? Тулайды кеп, соғады кеуде жара. Қаласаң тулай бергін, жүрек, тула Менің де сенетінім өзің ғана Сезімін жауладың-ау өне бойды Сен де азатсың алаула, мейлі, жаула. Сүйдім сені емес және бұл жай ғана Сүйдім сені қалама, мейлі, қала Сүйдім сені аяқ асты жаққан шамдай Сүйген жүрек жаспас қанша байласам да. Қуаныш құлпыртады, қайғы да ада Сұлу тартқан жүзің тұрса маңайымда Мүмкін емес деймін, кейде сене алмаймын Сүйіп мені, тіресең бас иығыма. ЖАЛҒЫЗЫМ МЕНІҢ Жалғызым менің, өмірде мына кезіккен. Бөлшегім менің, бүтін боп маған бітпеген. Жарығым менің, қасыңда жүріп адастым. Жүрегімізді соқтыртпадық-ау бір жерден. Арманым менің, ұстасам қолым тимеген. Жүзіңмен жарқын түсімде ғана кезігем. Жыламшы көніл жұбанышы өзің ең. Алданбас сезім алданады тек сенен. Ғашығым менің, іздеймін пана өзіңнен. Жалықпаймын да өзіңді мәңгі күтуден. Көзім де талды елесіңе қараумен. Шыдатпай,талай,жанардан жасым бөлінген. Жаным-ау маған жан керек емес жат сенен. Тек сен болдың ғой көңілді көкке көтерген. Қуанышым менің,күлкімнен әркез көрінген. Қайғым да сенсің еңсемді терең түсірген. Жүрегімді ұрлаттым саған еркіммен. Сол жүрекке сезім бітерін кім білген. Сүйіктім менің өмір келеді тым келте. Өмірім,шолақ,біткенше сені сүйіп өтем. Асылым менің тең болмайтұғын ешкіммен. Соғады жүрек атыңды қатар айтумен. Ұмытпа мені, өзгені құлай сүйсең де. Бір бола алмадық, не шара қатты сүйгенмен. МАХАББАТ МАҒАН СҮЮДІ СЕНІ ҮЙРЕТТІ Мен сені сүйдім сезім тербеп жүректі Өзіңді таңдап тағдырым жол көрсетті Махаббат маған суюді сені үйретті Ғашық жүрегім өзіңе қарай сүйретті. Ыстығың сенің қорғанымды күйретті Алқызыл тілім өзіңді ғана сөз етті Қос жанарым елес қып сені көрсетіп Қос құлағым сөздеріңді естітті. Жақын келсең дүрсілін жүрек үдетті Ыстықтап қан, тулай, тамыр ісінтті Қолыңнан ұстап, құшақтап сені сүйгенде Жай тауып жаным, жұмыр бастан ес кетті. Сөздерің сенің самалдай сазды күй шерті Күлкің сенің көңілге әсем гүл септі Қараған көзің нұр шашып менің жаныма Қылығың нәзік еріксіз саған сүйсінтті. Қоштасарда қимастық көңіл шөлдетті Сен болмасаң қу басымнан күй кетті Алыстап сенен қол ұстаспас кездерде Сағыныш қысып, сыйқырын маған білдіртті. Сезім, шіркін, бесігіне сап тербетті Жаратқан қалай жасады сендей көрнекті?! Кей кездері мен сені, жаным сүйем деп Айғайлағым келеді жарып жер, көкті! ҒАШЫҚ ҚЫЛ МЕНІ Сүйсіндір мені өзіңе, жаным, таңдандыр Қылығыңмен, көркіңменен таң қалдыр Сезімсіз жатқан жүрегімді жандандыр Жыр жазғыз саған, өзіңе арнап ән салдыр. Ғашық қыл мені, табиғатыңа табындыр Мезгілсіз мені мазалап, сені сағындыр Ойлатып сені күні-түні маза бермей Есімді шығар, керек болса, жындандыр. Шыға алмастай зындан бол, мені тұтқын қыл Кісендеп мені, мойныма сал дәу шынжыр Қайғыртып мені жылатып қой, ызаландыр Қуаныш сыйлап, бақыттан бас айналдыр. Сүйдір мені, жүрегімді мыж-мыж қыл Түсіме кіріп, ұйқы бермей таң аттыр Кескілеп таста жүрегімді аямай Сөз айтқызбай, тілімді менің байландыр. Ыстығыңды шығаршы, маған сезіндір Жүрегіңді ұсынбай мені күйіндір Есіміңді кеудеме менің қырып жаз Бас игізіп, өзіңе мәңгі сыйындыр. Махаббатыңды көрсет маған, қызықтыр Айналдырып басымды менің топас қыл Бірақта сенен өтінерім бірінші Ғашық бол маған, мені де саған ғашық қыл.